ನವದೆಹಲಿ : ಬಾಲಿವುಡ್ ನಟಿ ಆಲಿಯಾ ಭಟ್ ಏನೆ ಡ್ರೆಸ್ ಉಟ್ಕೊಂಡ್ರು ಅದು ಸ್ಟೈಲ್ ಸ್ಟೇಟ್ಮೆಂಟ್ ಆಗುತ್ತದೆ . ಯಾವಾಗಲೂ ತಮ್ಮ ಫ್ಯಾಷನ್ ಆಯ್ಕೆಗಳಿಗಾಗಿ ಫೇಮಸ್ ಆಗಿರೋ ಆಲಿಯಾ ಭಟ್ , ಇದೀಗ ಮೆಟ್ ಗಾಲಾ 2024 ರಲ್ಲಿ ತಮ್ಮ ದೇಸಿ ಲುಕ್‌ನಿಂದ ಎಲ್ಲರ ದಿಲ್ ಕದ್ದಿದ್ದಾರೆ . ಮೆಟ್ ಗಾಲಾದಲ್ಲಿ ಸಾಂಪ್ರದಾಯಿಕ ಸ್ಪೆಷಲ್ ಸೀರೆ ಧರಿಸಿ ಗ್ರ್ಯಾಂಡ್ ಎಂಟ್ರಿ ಕೊಟ್ಟಿದ್ದಾರೆ. ಆಲಿಯಾ ಭಟ್ ರ ಈ ಫೋಟೋಸ್ ಮತ್ತು ವೀಡಿಯೊಗಳು ಸಾಮಾಜಿಕ ಮಾಧ್ಯಮದಲ್ಲಿ ಫುಲ್ ವೈರಲ್ ಆಗುತ್ತಿವೆ. ಆಲಿಯಾರ ಸಾಂಪ್ರದಾಯಿಕ ಉಡುಗೆಯನ್ನ ನೋಡಿ, ಜನರು ಶೀ ಈಸ್ ದ ಬೆಸ್ಟ್ ಎಂದು ಕಾಮೆಂಟ್ಸ್ ಮಾಡುತ್ತಿದ್ದಾರೆ. ಮೆಟ್ ಗಾಲಾ 2024 ರಲ್ಲಿ ಆಲಿಯಾ ಭಟ್ ಪುದೀನ ಹಸಿರು ಬಣ್ಣದ ಸೀರೆಯನ್ನು ಧರಿಸಿ ರಾಂಪ್ ವಾಕ್ ಮಾಡಿದರು.
ಈ ಸ್ಪೆಷಲ್ ಸೀರೆ ತಯಾರಿಸಿದ್ದು 163 ನುರಿತ ಕುಶಲಕರ್ಮಿಗಳು
ಬಾಲಿವುಡ್ ನಟಿ ಆಲಿಯಾ ಭಟ್ ಮೆಟ್ ಗಾಲಾ 2024 ನಲ್ಲಿ ಗಮನಾರ್ಹವಾಗಿ ಕಾಣಿಸಿಕೊಂಡರು. ಈ ಕಾರ್ಯಕ್ರಮಕ್ಕಾಗಿ, ಅವರು ಪ್ರಸಿದ್ಧ ಭಾರತೀಯ ಡಿಸೈನರ್ ಸಬ್ಯಸಾಚಿ ವಿನ್ಯಾಸಗೊಳಿಸಿದ ಸಾಂಪ್ರದಾಯಿಕ ಭಾರತೀಯ ಸೀರೆಯನ್ನು ಧರಿಸಲು ಆಯ್ಕೆ ಮಾಡಿದರು. ಈ ಆಯ್ಕೆಯು ವಿಶೇಷವಾಗಿ ಮಹತ್ವದ್ದಾಗಿತ್ತು ಏಕೆಂದರೆ ಇದು ವರ್ಷದ ಮೆಟ್ ಗಾಲಾದ ಥೀಮ್ “ದಿ ಗಾರ್ಡನ್ ಆಫ್ ಟೈಮ್” ನೊಂದಿಗೆ ಹೊಂದಿಕೆಯಾಗಿದೆ.
ಆಲಿಯಾ ಧರಿಸಿದ್ದ ಸೀರೆ ಸಾಮಾನ್ಯ ಉಡುಗೆಯಾಗಿರಲಿಲ್ಲ. ಇದು ಒಂದು ಅದ್ಭುತವಾದ ತುಣುಕು, ವಿಸ್ತಾರವಾದ ಹೂವಿನ ಕಸೂತಿಯನ್ನು ಒಳಗೊಂಡಿತ್ತು. ಈ ಸೀರೆಯ ತಯಾರಿಕೆಯು ಒಂದು ದೊಡ್ಡ ಕಾರ್ಯವಾಗಿತ್ತು. ಯಾಕಂದರೆ ಇದಕ್ಕೆ 163 ನುರಿತ ಕುಶಲಕರ್ಮಿಗಳ 1905 ಗಂಟೆಗಳ ನಿಖರವಾದ ಕೈಕೆಲಸ ಬೇಕಾಗಿತ್ತು. ಡಿಸೈನರ್ ಸಬ್ಯಸಾಚಿಯಾ ಈ ಪ್ರಯತ್ನವು ಭಾರತೀಯ ಕರಕುಶಲತೆಯಲ್ಲಿ ಒಳಗೊಂಡಿರುವ ಸಮರ್ಪಣೆ ಮತ್ತು ಕಲಾತ್ಮಕತೆಯ ಬಗ್ಗೆ ಹಿಡಿದ ಕೈಗನ್ನಡಿಯಾಗಿದೆ. ಹೂವಿನ ಮೋಟಿಫ್ ಕೆಲಸವು ಸೀರೆಯನ್ನು ಇನ್ನಷ್ಟು ಸುಂದರಗೊಳಿಸುತ್ತಿದೆ. ಸೀರೆಯು ಉದ್ದವಾದ ಸೆರಗನ್ನೂ ಹೊಂದಿದೆ. ಇದು ಆಲಿಯಾ ನೋಟವನ್ನು ಇನ್ನಷ್ಟು ಹೆಚ್ಚಿಸುತ್ತಿದೆ. ಈ ಸೀರೆಯನ್ನ ಧರಿಸಿ ಮೆಟ್ ಗಾಲಾ 2024 ರಲ್ಲಿ ಆಲಿಯಾ ರಾಂಪ್ ವಾಕ್ ಮಾಡುತ್ತಿದ್ರೆ , ಸ್ವರ್ಗದಿಂದ ಅಪ್ಸರೆ ಧರೆಗಿಳಿದಂತೆ ಕಾಣಿಸುತ್ತಿದ್ದರು.
ಅವರ ಈ ಫೋಟೋಗಳು ಮತ್ತು ವೀಡಿಯೊಗಳು ಅಂತರ್ಜಾಲದಲ್ಲಿ ಬಿರುಗಾಳಿ ಎಬ್ಬಿಸುತ್ತಿವೆ. ಅಂದಹಾಗೆ ಆಲಿಯಾ ಇದೇ ಮೊದಲ ಬಾರಿಗೆ ಮೆಟ್ ಗಾಲಾದ ಭಾಗವಾಗಿಲ್ಲ. ಇದಕ್ಕೂ ಮೊದಲು, ಅವ್ರು ಅನೇಕ ಸಲ ಇದ್ರಲ್ಲಿ ಭಾಗವಹಿಸಿ ತಮ್ಮ ಸೌಂದರ್ಯವನ್ನು ಹರಡಿದ್ದಾರೆ.
spy ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಆಲಿಯಾ ಭಟ್
ಆಲಿಯಾ ಭಟ್ ಶೀಘ್ರದಲ್ಲೇ ‘ಜಿಗ್ರಾ’ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇದು ಸ್ಪೈ ಚಿತ್ರವಾಗಿದ್ದು, ಇದರಲ್ಲಿ ಆಲಿಯಾ ಫಸ್ಟ್ ಟೈಮ್ ಆಕ್ಷನ್ ಮಾಡಲಿದ್ದಾರೆ. ಜುಲೈನಲ್ಲಿ ‘ಜಿಗ್ರಾ’ ಸಿನಿಮಾ ಸೆಟ್ಟೇರಲಿದೆ ಎಂದು ಹೇಳಲಾಗುತ್ತಿದೆ. ಇಷ್ಟಕ್ಕೆ ಸೀಮಿತವಾಗಿರದೆ ಬಾಲಿವುಡ್ ಫಿಲಂ ಮೇಕರ್ ಕರಣ್ ಜೋಹರ್ ಅವರೊಂದಿಗೆ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ.
