ಬೆಂಗಳೂರು: ಮಹಿಳಾ ಸಬಲೀಕರಣ ಮತ್ತು ಸಾಂಸ್ಕೃತಿಕ ಬದಲಾವಣೆಯ ಗುರಿಯೊಂದಿಗೆ “ಗುಬ್ಬಿವಾಣಿ ಟ್ರಸ್ಟ್” ವತಿಯಿಂದ ಆಯೋಜಿಸಲಾಗಿರುವ “ಅವಳ ಹೆಜ್ಜೆ ಕಿರುಚಿತ್ರೋತ್ಸವ-2026″ರ ಎರಡನೇ ಆವೃತ್ತಿಯ ಕನ್ನಡ ಕಿರುಚಿತ್ರ ಸ್ಪರ್ಧೆಗೆ ಅರ್ಜಿಗಳನ್ನು ಆಹ್ವಾನಿಸಲಾಗಿದೆ. ಮಹಿಳಾ ನಿರ್ದೇಶಕಿಯರಿಗೇ ಮೀಸಲಾದ ಈ ವಿಶಿಷ್ಟ ಸ್ಪರ್ಧೆಯಲ್ಲಿ ಭಾಗವಹಿಸಲು ಜನವರಿ 31 ಕೊನೆಯ ದಿನಾಂಕವಾಗಿದೆ.
ಸ್ಪರ್ಧೆಯ ಪ್ರಮುಖ ಆಕರ್ಷಣೆಗಳು:
- ಅವಳ ಹೆಜ್ಜೆ ಪ್ರಶಸ್ತಿ: ಅತ್ಯುತ್ತಮ ಕಿರುಚಿತ್ರಕ್ಕೆ ₹1,00,000 (ಒಂದು ಲಕ್ಷ ರೂ.) ನಗದು ಬಹುಮಾನ ನೀಡಲಾಗುವುದು.
- ವಿಶೇಷ ವಿಭಾಗಗಳು: ಅನಿಮೇಷನ್, ಎಐ, ಸಾಮಾಜಿಕ ಬದಲಾವಣೆ, ವಿಜ್ಞಾನ ಕಲ್ಪನೆ ಹಾಗೂ ಉದಯೋನ್ಮುಖ ನಿರ್ದೇಶಕಿ ಸೇರಿದಂತೆ ವಿವಿಧ ಎಂಟು ವಿಭಾಗಗಳಲ್ಲಿ ತಲಾ ₹10,000 ನಗದು ಬಹುಮಾನವನ್ನು ವಿಜೇತ ಚಿತ್ರಗಳಿಗೆ ನೀಡಲಾಗುವುದು.
ಭಾಗವಹಿಸುವಿಕೆ ನಿಯಮಗಳು:
- ನಿರ್ದೇಶಕರು ಕಡ್ಡಾಯವಾಗಿ ಮಹಿಳೆಯಾಗಿರಬೇಕು.
- ಕಿರುಚಿತ್ರವು 5 ರಿಂದ 30 ನಿಮಿಷಗಳ ಅವಧಿಯದ್ದಾಗಿರಬೇಕು.
- 2024, 2025 ಅಥವಾ 2026ರಲ್ಲಿ ನಿರ್ಮಾಣವಾದ ಕನ್ನಡ ಕಿರುಚಿತ್ರಗಳಿಗೆ ಮಾತ್ರ ಅವಕಾಶ.
- ಜನವರಿ 31ರೊಳಗೆ ಅರ್ಜಿ ಸಲ್ಲಿಸಲು ₹1,000 ಪ್ರವೇಶ ಶುಲ್ಕ ನಿಗದಿಪಡಿಸಲಾಗಿದೆ (ಫೆಬ್ರವರಿ 14ರವರೆಗೆ ತಡಶುಲ್ಕದೊಂದಿಗೆ ಅವಕಾಶವಿದೆ).
ಮಹಿಳಾ ಸಬಲೀಕರಣದ ಸಾಂಸ್ಕೃತಿಕ ಚಳುವಳಿ
ಈ ಕುರಿತು ಮಾಹಿತಿ ನೀಡಿರುವ ಗುಬ್ಬಿವಾಣಿ ಟ್ರಸ್ಟ್ನ ಸ್ಥಾಪಕ ಟ್ರಸ್ಟೀ ಮಾಲವಿಕ ಗುಬ್ಬಿವಾಣಿ, “ಲಿಂಗಸಮಾನತೆ ಮತ್ತು ಮಹಿಳಾ ಸಬಲೀಕರಣದ ಮೌಲ್ಯಗಳನ್ನು ಬಿಂಬಿಸುವ ಚಿತ್ರಗಳು ಕನ್ನಡದಲ್ಲಿ ಹೆಚ್ಚು ಬರಬೇಕು. ಇದು ಕೇವಲ ಉತ್ಸವವಲ್ಲ, ಮಹಿಳಾ ದೃಷ್ಟಿಕೋನದ ಚಿತ್ರಗಳನ್ನು ಪ್ರೋತ್ಸಾಹಿಸುವ ಒಂದು ಚಳುವಳಿ” ಎಂದು ತಿಳಿಸಿದ್ದಾರೆ.
ಆಸಕ್ತರು ಹೆಚ್ಚಿನ ಮಾಹಿತಿಗಾಗಿ www.gubbivanitrust.ngo ವೆಬ್ಸೈಟ್ಗೆ ಭೇಟಿ ನೀಡಬಹುದು ಅಥವಾ 8867747236 ಸಂಪರ್ಕಿಸಬಹುದು.
ಅರ್ಜಿ ಸಲ್ಲಿಸುವ ಲಿಂಕ್: https://forms.gle/x5AZeeKkiDWbnvCA9
