ಕೊಟ್ಟಿಗೆಹಾರ: ಮಹಾಶಿವರಾತ್ರಿ ಪ್ರಯುಕ್ತ ಧರ್ಮಸ್ಥಳದತ್ತ ಪೂರ್ಣಿಮಾ ಶೇಖರ್ ತಂಡ ಭಕ್ತಿಭಾವದಿಂದ ಪಾದಯಾತ್ರೆ ಕೈಗೊಂಡಿದೆ. ಕಳೆದ 20 ವರ್ಷಗಳಿಂದ ನಿರಂತರವಾಗಿ ನಡೆಯುತ್ತಿರುವ ಈ ಯಾತ್ರೆ ಅವರ ಜೀವನದ ಅವಿಭಾಜ್ಯ ಅಂಗವಾಗಿದೆ.
“ಚಿಕ್ಕ ವಯಸ್ಸಿನಿಂದಲೇ ಪಾದಯಾತ್ರೆ ಪ್ರಾರಂಭಿಸಿದ್ದೇನೆ. ಇದೀಗ 20ನೇ ವರ್ಷವೂ ತಂಡದೊಂದಿಗೆ ನಡೆದು ಬರುತ್ತಿದ್ದೇವೆ. ದಾರಿಯಲ್ಲಿನ ಕಷ್ಟಗಳು ದೇವರ ನಾಮಸ್ಮರಣೆಯ ಮುಂದೆ ಅಲ್ಪವಾಗುತ್ತವೆ. ಪರಸ್ಪರ ಸಹಕಾರವೇ ನಮ್ಮ ಶಕ್ತಿ. ಧರ್ಮಸ್ಥಳ ತಲುಪಿದಾಗ ದೊರೆಯುವ ಆತ್ಮಸಂತೃಪ್ತಿ ವರ್ಣನಾತೀತ,” ಎಂದು ಪೂರ್ಣಿಮಾ ಶೇಖರ್ ಹೇಳಿದರು.
ಭಜನೆ, ಹರಿನಾಮ ಸ್ಮರಣೆಗಳೊಂದಿಗೆ ಹೆಜ್ಜೆ ಹಾಕುತ್ತಿರುವ ತಂಡದ ಭಕ್ತಿ, ಶಿಸ್ತು ಗಮನ ಸೆಳೆಯುತ್ತಿದೆ. ಎರಡು ದಶಕಗಳ ಈ ಪಾದಯಾತ್ರೆ ಅವರ ಅಚಲ ನಂಬಿಕೆ ಮತ್ತು ಶ್ರದ್ಧೆಗೆ ಜೀವಂತ ಸಾಕ್ಷಿಯಾಗಿದೆ.
