Homemade rice-milk payasa: ಸುಲಭವಾಗಿ ಮನೆಯಲ್ಲೆ ಮಾಡಿ ಅಕ್ಕಿ-ಹಾಲು ಪಾಯಸ

ಭಾರತೀಯ ಸಾಂಪ್ರದಾಯಿಕ ಮಿಷ್ಟಾನ್ನಗಳಲ್ಲಿ ಅಕ್ಕಿ-ಹಾಲು ಪಾಯಸಕ್ಕೆ ವಿಶೇಷ ಸ್ಥಾನವಿದೆ. ಹಬ್ಬಗಳಲ್ಲಿ, ಮನೆಯಲ್ಲಿನ ವಿಶೇಷ ಕಾರ್ಯಕ್ರಮಗಳಲ್ಲಿ ಈ ರುಚಿಕರ ಪಾಯಸವು ಮುಖ್ಯ ಆಕರ್ಷಣೆ ಆಗಿರುತ್ತದೆ. ಈ ಪಾಯಸವನ್ನು ಮನೆಯಲ್ಲೇ ಸುಲಭವಾಗಿ ಮಾಡಿ ತಿನ್ನಬಹುದು. ಮಾಡುವ ವಿಧಾನ ಮತ್ತು ಬೇಕಾಗುವ ಸಾಮಗ್ರಿಗಳ ವಿವರ ಇಲ್ಲಿದೆ

ಬೇಕಾಗುವ ಸಾಮಗ್ರಿಗಳು
ಅಕ್ಕಿ (Raw Rice/Sona Masuri): 4 ಚಮಚ (15 ನಿಮಿಷ ನೆನೆಸಿರಬೇಕು)
ಹಾಲು (Milk): 1 ಲೀಟರ್ (ಪೂರ್ಣ ಕೆನೆಯಿರುವ ಹಾಲು ಉತ್ತಮ)
ಸಕ್ಕರೆ (Sugar): 1 ಕಪ್ ( ಸಿಹಿ ಪ್ರಮಾಣ ಬೇಕಾಗುವಷ್ಟು )
ತುಪ್ಪ (Ghee): 4 ಟೀ ಚಮಚ
ಗೋಡಂಬಿ (Cashews): 8-10
ಒಣ ದ್ರಾಕ್ಷಿ (Raisins): 8-10
ಏಲಕ್ಕಿ ಪುಡಿ (Cardamom Powder): 1/2 ಟೀ ಚಮಚ
ಕುಂಕುಮ ಕೇಸರಿ (Saffron Strands – Kesar): ಕೆಲವು ಎಳೆಗಳು

ಮಾಡುವ ವಿಧಾನ

1. ಹಾಲನ್ನು ಕುದಿಸುವುದು
   ಮೊದಲಿಗೆ ತಳ ಹಿಡಿಯದ ಹಾಗೆ ದಪ್ಪ ತಳದ ಪಾತ್ರೆ ತೆಗೆದುಕೊಳ್ಲಿ. ಪಾತ್ರೆಯಲ್ಲಿ ಹಾಲನ್ನು ಹಾಕಿ ಮಧ್ಯಮ ಉರಿಯಲ್ಲಿ ಕುದಿಯಲು ಇಡಿ. ಹಾಲು ಕುದಿದ ಮೇಲೆ ಉರಿಯನ್ನು ಕಡಿಮೆ ಮಾಡಿ, ಹಾಲು ಅರ್ಧದಷ್ಟು ಕಡಿಮೆಯಾಗುವವರೆಗೆ (ಸುಮಾರು 15-20 ನಿಮಿಷ) ಆಗಾಗ್ಗೆ ಕಲಕುತ್ತಾ ಕುದಿಸಿ. ಇದರಿಂದ ಪಾಯಸ ಗಟ್ಟಿ ಮತ್ತು ರುಚಿಕರವಾಗುತ್ತದೆ.
2. ಅಕ್ಕಿ ಬೇಯಿಸುವುದು
   ಹಾಲು ಕುದುತ್ತಿರುವಾಗ, ಇನ್ನೊಂದು ಚಿಕ್ಕ ಪ್ಯಾನ್‌ನಲ್ಲಿ 2 ಟೀ ಚಮಚ ತುಪ್ಪ ಬಿಸಿ ಮಾಡಿ. ನೆನೆಸಿದ ಅಕ್ಕಿಯನ್ನು ಹಾಕಿ 2 ನಿಮಿಷ ಹುರಿಯಿರಿ. ಹುರಿದ ಅಕ್ಕಿಯನ್ನು ಕುದಿಯುತ್ತಿರುವ ಹಾಲಿಗೆ ಸೇರಿಸಿ.
3. ಅಕ್ಕಿ ಮತ್ತು ಸಕ್ಕರೆ ಸೇರಿಸುವುದು
   ಅಕ್ಕಿ ಸಂಪೂರ್ಣ ಮೆತ್ತಗೆ ಬೇಯುವವರೆಗೆ (ಸುಮಾರು 15-20 ನಿಮಿಷ) ನಿಧಾನ ಉರಿಯಲ್ಲಿ ಬೇಯಿಸಿ, ಆಗಾಗ್ಗೆ ಕಲಕುತ್ತಾ ಇರಿ. ಅಕ್ಕಿ ಪಾತ್ರೆಯ ತಳಕ್ಕೆ ಅಂಟಿಕೊಳ್ಳದಂತೆ ಎಚ್ಚರವಹಿಸಿ.
   ಅಕ್ಕಿ ಬೆಂದ ನಂತರ, ಸಕ್ಕರೆ ಮತ್ತು ಏಲಕ್ಕಿ ಪುಡಿ ಸೇರಿಸಿ. ೨-೩ ನಿಮಿಷ ಕುದಿಸಿ, ಸಕ್ಕರೆ ಸಂಪೂರ್ಣ ಕರಗುವವರೆಗೂ ಕಲಕುತ್ತೀರಿ. ಈ ಸಮಯದಲ್ಲಿ ಕುಂಕುಮ ಕೇಸರಿ ಎಳೆಗಳನ್ನು ಸೇರಿಸಿ. ಇದು ಪಾಯಸಕ್ಕೆ ಸುಂದರ ಬಣ್ಣ ಮತ್ತು ಪರಿಮಳ ನೀಡುತ್ತದೆ.
4. ಒಗ್ಗರಣೆ
   ಒಂದು ಸಣ್ಣ ಪಾತ್ರೆಯಲ್ಲಿ 2 ಟೀ ಚಮಚ ತುಪ್ಪವನ್ನು ಬಿಸಿ ಮಾಡಿ. ಗೋಡಂಬಿ ಮತ್ತು ಒಣ ದ್ರಾಕ್ಷಿಗಳನ್ನು ಹಾಕಿ ಗೋಲ್ಡನ್ ಬ್ರೌನ್ ಬಣ್ಣ ಬರುವವರೆಗೆ ಹುರಿಯಿರಿ.
   ಈ ಹುರಿದ ಹಣ್ಣುಗಳನ್ನು ಸಿದ್ಧವಾದ ಪಾಯಸಕ್ಕೆ ಸೇರಿಸಿ, ಚೆನ್ನಾಗಿ ಮಿಶ್ರಣ ಮಾಡಿದರೆ ಹಾಲು-ಪಾಯಸ ಸವಿಯಲು ಸಿದ್ದವಾಗುತ್ತದೆ. ಪಾಯಸವನ್ನು ಬಿಸಿ-ಬಿಸಿಯಾಗಿ ಅಥವಾ ತಣ್ಣಗೆ ಬಡಿಸಬಹುದು. ತಣ್ಣಗಾದ ನಂತರ ಪಾಯಸ ಇನ್ನಷ್ಟು ಗಟ್ಟಿಯಾಗಿ, ಬಾಯಿಗೆ ಮತ್ತಷ್ಟು ರುಚಿಕರವಾಗಿರುತ್ತದೆ.