ಕೊಪ್ಪ: ದಾನಿಗಳ ಸಹಕಾರದಿಂದ ಚಿಕ್ಕಮಗಳೂರು ಜಿಲ್ಲೆಯ ಕೊಪ್ಪ ತಾಲ್ಲೂಕಿನ ಸುಂಕದಗದ್ದೆ ಶಾಲೆಗೆ ಇಂಟರ್ ಲಾಕ್ ವ್ಯವಸ್ಥೆ ಮಾಡಲಾಯಿತು.
ಶಿಕ್ಷಕರಾದ ಸಿ ಆರ್ ಸುರೇಶ್ ರವರು ದಾನಿಗಳಾದ ಶ್ರೀಮತಿ ದೀಪ್ತಿ, ವನಿತಾ, ಮೌಮಿತ್ ಹಾಗೂ ಸೆಲ್ವಾ ಕಾಂತ್ ರವರನ್ನು ಸ್ಮರಿಸುತ್ತ ಇದು ನಮ್ಮ ಶಾಲೆಗೆ ಅಗತ್ಯವಾದ ಕಾರ್ಯವಾಗಿದ್ದು ಮಳೆಗಾಲದಲ್ಲಿ ಶಾಲೆಯ ಆವರಣಕ್ಕೆ ಬರುವುದು ತುಂಬಾ ಕಷ್ಟವಾಗುತ್ತಿತ್ತು.
ಇಡೀ ಶಾಲೆಯ ಆವರಣ ಕೆಸರು ಗದ್ದೆಯಾಗಿ ಮಕ್ಕಳಿಗೆ ಓಡಾಡಲು ತುಂಬಾ ತೊಂದರೆಯಾಗುವುದನ್ನು ಮನಗಂಡು ದಾನಿಗಳ ತಂಡ ಇಂತಹ ಅಮೂಲ್ಯವಾದ ಕೆಲಸವನ್ನು ಮಾಡಿರುವುದು ತುಂಬಾ ಸಂತೋಷದ ವಿಚಾರ ಎಂದು ಹೇಳಿದರು.
ಮುಖ್ಯಗುರುಗಳಾದ ಶ್ರೀಮತಿ ಮಮತರವರು ಇದು ನನ್ನ ಬಹುದಿನದ ಕನಸು ಕೂಡ ಆಗಿತ್ತು ಮಕ್ಕಳ ಸೇವೆಯನ್ನು ಮಾಡಿದ ದಾನಿಗಳಿಗೆ ಶಾಲೆಯ ಪರವಾಗಿ ಹಾಗೂ ಗ್ರಾಮದ ಪರವಾಗಿ ಧನ್ಯವಾದಗಳನ್ನು ಅರ್ಪಿಸುತ್ತೇನೆ ಎಂದು ಹೇಳಿದರು.
ವರದಿ: ಶಶಿ ಬೆತ್ತದಕೊಳಲು
