ಇಂದಿನ ಬ್ಯೂಸಿ ಲೈಫ್ಸ್ಟೈಲ್, ಜಂಕ್ ಫುಡ್ಗಳ ಅತಿಯಾದ ಸೇವನೆ ಮತ್ತು ಸದಾ ಒತ್ತಡದ ಜೀವನದಿಂದಾಗಿ ಅಧಿಕ ರಕ್ತದೊತ್ತಡ (High Blood Pressure) ಅಥವಾ ಹೈಪರ್ಟೆನ್ಷನ್ ಒಂದು ಸಾಮಾನ್ಯ ಸಮಸ್ಯೆಯಾಗಿಬಿಟ್ಟಿದೆ. ಇದನ್ನು ವಿಜ್ಞಾನಿಗಳು ‘ಸೈಲೆಂಟ್ ಕಿಲ್ಲರ್’ ಎಂದೂ ಕರೆಯುತ್ತಾರೆ. ಏಕೆಂದರೆ, ಯಾವುದೇ ದೊಡ್ಡ ಲಕ್ಷಣಗಳಿಲ್ಲದೆ ಹೃದಯ, ಮೆದುಳು ಮತ್ತು ಮೂತ್ರಪಿಂಡಗಳ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ.
ನಿಯಮಿತ ವ್ಯಾಯಾಮ ಮತ್ತು ಆರೋಗ್ಯಕರ ಆಹಾರ ಪದ್ಧತಿಯಿಂದ ರಕ್ತದೊತ್ತಡವನ್ನು ನಿಯಂತ್ರಣದಲ್ಲಿ ಇಡಬಹುದು. ನಿಮ್ಮ ಬಿಪಿ ಹೆಚ್ಚಾಗಿದ್ದರೆ, ದೈನಂದಿನ ಅಭ್ಯಾಸಗಳ ಕಡೆಗೆ ಗಮನ ಕೊಡೋದು ಬಹಳ ಅತ್ಯಗತ್ಯ. ನಿಮ್ಮ ಆರೋಗ್ಯವನ್ನು ಸುಧಾರಿಸಲು ಮತ್ತು ರಕ್ತದೊತ್ತಡವನ್ನು ಸಮತೋಲನದಲ್ಲಿಡಲು ಪೊಟ್ಯಾಸಿಯಮ್, ಮೆಗ್ನೀಸಿಯಮ್ ಮತ್ತು ಕ್ಯಾಲ್ಸಿಯಂ ಪ್ರಮುಖ ಪಾತ್ರ ವಹಿಸುತ್ತವೆ. ಈ ಪೋಷಕಾಂಶಗಳು ಸಮೃದ್ಧವಾಗಿರುವ ಆಹಾರಗಳ ಪಟ್ಟಿ ಇಲ್ಲಿದೆ.
ಬಿಪಿ ಕಂಟ್ರೋಲ್ಗೆ ಸಹಾಯ ಮಾಡುವ 15 ಸೂಪರ್ಫುಡ್ಗಳು
- ಮೊಸರು (Yoghurt)
ಮೊಸರು ಉತ್ತಮ ಪ್ರಮಾಣದ ಕ್ಯಾಲ್ಸಿಯಂ ಮತ್ತು ಮೆಗ್ನೀಸಿಯಂ ಅನ್ನು ಹೊಂದಿದೆ. ಪ್ರತಿದಿನ ಕಡಿಮೆ ಕೊಬ್ಬಿರುವ ಮೊಸರನ್ನು ಸೇವಿಸುವುದರಿಂದ ರಕ್ತದೊತ್ತಡ ಸಾಮಾನ್ಯ ಮಟ್ಟದಲ್ಲಿರಲು ಸಹಾಯವಾಗುತ್ತದೆ. - ಬಾಳೆಹಣ್ಣು (Banana)
ಬಾಳೆಹಣ್ಣಿನಲ್ಲಿ ಅತಿ ಹೆಚ್ಚಿನ ಪ್ರಮಾಣದ ಪೊಟ್ಯಾಸಿಯಮ್ ಇರುತ್ತದೆ. ಹಾಗಾಗಿ ಇದು ಅಧಿಕ ರಕ್ತದೊತ್ತಡ ಕಡಿಮೆ ಮಾಡಲು ನಿಜವಾಗಿಯೂ ಒಳ್ಳೆಯದು. ಅಡುಗೆ ತಯಾರಿಸಲು ಸಮಯವಿಲ್ಲದಿದ್ದಾಗ ಉಪಾಹಾರಕ್ಕೆ ಬಾಳೆಹಣ್ಣು ಉತ್ತಮ ಆಯ್ಕೆ. - ಬೆಳ್ಳುಳ್ಳಿ (Garlic)
ಬೆಳ್ಳುಳ್ಳಿಯಲ್ಲಿ ಅಲಿಸಿನ್ (Allicin) ಎಂಬ ಅಂಶ ಇರುತ್ತದೆ. ಇದು ಆಂಟಿಬ್ಯಾಕ್ಟೀರಿಯಲ್ ಪರಿಣಾಮ ಹೊಂದಿದ್ದು, ಅಧಿಕ ರಕ್ತದೊತ್ತಡವನ್ನು ತಡೆಯಲು ಸಹಾಯ ಮಾಡುತ್ತದೆ. ನೀವು ಇದನ್ನು ಹಸಿಯಾಗಿ ಅಥವಾ ಅಡುಗೆಯಲ್ಲಿ ಬಳಸಿದರೂ ಆರೋಗ್ಯಕರ. - ಬೀಟ್ರೂಟ್ (Beetroot)
ಬೀಟ್ರೂಟ್ನಲ್ಲಿರುವ ನೈಟ್ರೇಟ್ ಅಂಶವು ರಕ್ತನಾಳಗಳನ್ನು ಅಗಲಗೊಳಿಸಿ, ರಕ್ತದೊತ್ತಡ ಕಡಿಮೆಯಾಗಲು ಸಹಾಯ ಮಾಡುತ್ತದೆ. - ಹಸಿರು ಸೊಪ್ಪು – ತರಕಾರಿಗಳು (Green Leafy Vegetables)
ಪಾಲಕ್ ಸೊಪ್ಪಿನಂತಹ ಹಸಿರು ತರಕಾರಿಗಳಲ್ಲಿ ಪೊಟ್ಯಾಸಿಯಮ್ ಅಧಿಕವಾಗಿರುತ್ತದೆ. ಇದು ರಕ್ತದೊತ್ತಡದ ಸಮತೋಲನವನ್ನು ಕಾಪಾಡಲು ಅತ್ಯಗತ್ಯ. ನಿಮ್ಮ ದೈನಂದಿನ ಆಹಾರದಲ್ಲಿ ಸೊಪ್ಪನ್ನು ಸೇರಿಸಿ. - ಆಲೂಗಡ್ಡೆ (Potato)
ಆಲೂಗಡ್ಡೆ ಪೊಟ್ಯಾಸಿಯಮ್ ಮತ್ತು ಮೆಗ್ನೀಸಿಯಮ್ ಎರಡನ್ನೂ ಒಳಗೊಂಡಿರುವುದರಿಂದ, ಇದು ಅಧಿಕ ರಕ್ತದೊತ್ತಡ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಆಲೂಗಡ್ಡೆಯನ್ನು ಫ್ರೈ ಮಾಡಿ ತಿನ್ನುವ ಬದಲು ಬೇಯಿಸಿ ತಿನ್ನುವುದು ಉತ್ತಮ. - ಬಿಳಿ ಬೀನ್ಸ್ (White Beans)
ಬಿಳಿ ಬೀನ್ಸ್ನಲ್ಲಿ ವಯಸ್ಕರೊಬ್ಬರಿಗೆ ಒಂದು ದಿನಕ್ಕೆ ಬೇಕಾಗುವಷ್ಟು ಮೆಗ್ನೀಸಿಯಂ, ಕ್ಯಾಲ್ಸಿಯಂ ಮತ್ತು ಪೊಟ್ಯಾಸಿಯಮ್ ಇರುತ್ತದೆ. ಇದನ್ನು ಸೂಪ್, ಸಲಾಡ್ ಅಥವಾ ಪಲ್ಯದ ರೂಪದಲ್ಲಿ ಸೇವಿಸಬಹುದು. - ಜೇನುತುಪ್ಪ (Honey)
ಸಕ್ಕರೆ ಬದಲಿಗೆ ಜೇನುತುಪ್ಪ ಬಳಸಿ. ಆದರೆ ಇದು ಕೂಡ ಸಿಹಿಯಾಗಿರುವುದರಿಂದ ಮತ್ತು ಅತಿಯಾದ ಸೇವನೆ ಸ್ಥೂಲಕಾಯಕ್ಕೆ ಕಾರಣವಾಗುವುದರಿಂದ ಮಿತವಾಗಿ ಬಳಸುವುದು ಮುಖ್ಯ. - ಬೆರಿ ಹಣ್ಣುಗಳು (Berries)
ಬ್ಲೂಬೆರ್ರಿ, ಸ್ಟ್ರಾಬೆರ್ರಿ ಸೇರಿದಂತೆ ಬಹುತೇಕ ಎಲ್ಲಾ ಬಗೆಯ ಬೆರಿಗಳಲ್ಲಿ ಫ್ಲೇವನಾಯ್ಡ್ಗಳು ಇರುತ್ತವೆ. ಇವು ಅಧಿಕ ರಕ್ತದೊತ್ತಡವನ್ನು ಕಡಿಮೆ ಮಾಡಬಲ್ಲವು. - ಕೆಂಪು ಹಣ್ಣುಗಳು (Red Berries)
ಕೆಂಪು ಬಣ್ಣದ ಹಣ್ಣುಗಳು ರಕ್ತನಾಳಗಳ ಆರೋಗ್ಯವನ್ನು ಕಾಪಾಡುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ. ಸ್ಟ್ರಾಬೆರ್ರಿ, ರಾಸ್ಪ್ಬೆರ್ರಿ, ಚೆರ್ರಿ ಮತ್ತು ದಾಳಿಂಬೆಯಂತಹ ಕೆಂಪು ಹಣ್ಣುಗಳಲ್ಲಿ ಆಂಥೋಸಯಾನಿನ್ಸ್ ಎಂಬ ಆಂಟಿಆಕ್ಸಿಡೆಂಟ್ಸ್ (Antioxidants) ಹೇರಳವಾಗಿರುತ್ತವೆ. ಈ ಆಂಟಿಆಕ್ಸಿಡೆಂಟ್ಸ್ ದೇಹದಲ್ಲಿನ ಫ್ರೀ ರಾಡಿಕಲ್ಸ್ನ ಹಾನಿಯನ್ನು ತಡೆಯುತ್ತವೆ. ಮುಖ್ಯವಾಗಿ, ಇವು ರಕ್ತನಾಳಗಳ ಗೋಡೆಗಳನ್ನು ರಕ್ಷಿಸಿ ಅವುಗಳನ್ನು ಸಡಿಲಗೊಳಿಸಲು (relax) ಸಹಾಯ ಮಾಡುತ್ತವೆ. ಇದರಿಂದಾಗಿ ರಕ್ತ ಸಂಚಾರವು ಸುಗಮವಾಗಿ, ಬಿಪಿ ಕಡಿಮೆಯಾಗಲು ಮತ್ತು ಹೃದಯದ ಆರೋಗ್ಯ ಸುಧಾರಿಸಲು ಸಹಾಯ ಮಾಡುತ್ತದೆ. ಹಾಗಾಗಿ, ನಿಯಮಿತವಾಗಿ ಈ ಕೆಂಪು ಹಣ್ಣುಗಳನ್ನು ನಿಮ್ಮ ಆಹಾರದಲ್ಲಿ ಸೇರಿಸುವುದು ಹೃದಯ ಮತ್ತು ರಕ್ತದೊತ್ತಡಕ್ಕೆ ಉತ್ತಮ. - ಡಾರ್ಕ್ ಚಾಕೊಲೇಟ್ (Dark Chocolate)
ದಿನಕ್ಕೆ ಒಂದೆರಡು ಬೈಟ್ ಡಾರ್ಕ್ ಚಾಕೊಲೇಟ್ ತಿನ್ನುವುದರಿಂದ ಬಿಪಿ ಮತ್ತು ಹೃದಯರಕ್ತನಾಳದ ಕಾಯಿಲೆಗಳ ವಿರುದ್ಧ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ. - ಓಟ್ ಮೀಲ್ (Oatmeal)
ಓಟ್ಮೀಲ್ನಲ್ಲಿ ಫೈಬರ್ ಮತ್ತು ಕಡಿಮೆ ಸೋಡಿಯಂ ಅಂಶವಿರುತ್ತದೆ. ಬೆಳಿಗ್ಗೆ ಓಟ್ ಮೀಲ್ ಸೇವಿಸುವುದು ನಿಮ್ಮ ರಕ್ತದೊತ್ತಡವನ್ನು ದಿನವಿಡೀ ಸ್ಥಿರವಾಗಿಡಲು ಸಹಾಯ ಮಾಡುತ್ತದೆ. - ಕೇಲ್ ಸೊಪ್ಪು (Kale)
ಕೇಲ್ ಸಹ ಒಂದು ರೀತಿಯ ಸೊಪ್ಪಾಗಿದ್ದು, ಪೊಟ್ಯಾಸಿಯಮ್ನಿಂದ ಸಮೃದ್ಧವಾಗಿದೆ. ಸಮತೋಲಿತ ದೇಹಕ್ಕೆ ಮತ್ತು ಬಿಪಿ ನಿಯಂತ್ರಣಕ್ಕೆ ಇದು ಅತ್ಯಗತ್ಯ. - ಆವಕಾಡೊ (Avocado)
ಆವಕಾಡೊವನ್ನು ‘ಅಲ್ಟಿಮೇಟ್ ಸೂಪರ್ಫುಡ್’ ಎನ್ನುತ್ತಾರೆ. ಇದರಲ್ಲಿ ಉತ್ತಮ ಕೊಬ್ಬಿನಾಮ್ಲಗಳು, ವಿಟಮಿನ್ಗಳು, ಮೆಗ್ನೀಸಿಯಂ, ಪೊಟ್ಯಾಸಿಯಮ್ ಮತ್ತು ಆಂಟಿಆಕ್ಸಿಡೆಂಟ್ಸ್ ಸಮೃದ್ಧವಾಗಿವೆ. ಇದು ಸಹ ರಕ್ತದೊತ್ತಡಕ್ಕೆ ತುಂಬಾ ಒಳ್ಳೆಯದು. - ಸಾಲ್ಮನ್ ಮೀನು (Salmon)
ಈ ಮೀನು ಒಮೆಗಾ-3 ಕೊಬ್ಬಿನಾಮ್ಲಗಳನ್ನು ಸಮೃದ್ಧವಾಗಿ ಹೊಂದಿದೆ. ಇದು ರಕ್ತದೊತ್ತಡವನ್ನು ಕಡಿಮೆ ಮಾಡಲು ಮತ್ತು ಹೃದಯದ ಲಯವನ್ನು ನಿಯಂತ್ರಿಸಲು ಪ್ರಮುಖ ಪಾತ್ರ ವಹಿಸುತ್ತದೆ.
ಗಮನಿಸಿ: ಆರೋಗ್ಯಕರ ಜೀವನಶೈಲಿ ಮತ್ತು ಉತ್ತಮ ಆಹಾರ ಪದ್ಧತಿಯ ಜೊತೆಗೆ ವೈದ್ಯರು ಸೂಚಿಸಿದ ಔಷಧಿಗಳನ್ನು ನಿಯಮಿತವಾಗಿ ತೆಗೆದುಕೊಳ್ಳುವುದನ್ನು ಮರೆಯಬೇಡಿ. ಯಾವುದೇ ಗಂಭೀರ ಆರೋಗ್ಯ ಸಮಸ್ಯೆ ಇದ್ದರೆ ಮೊದಲು ವೈದ್ಯರ ಸಲಹೆ ಪಡೆಯುವುದು ಮುಖ್ಯ.
